Kapag daw umiyak ang babae, asahan mong nasaktan mo talaga sila, o kaya may isang bagay silang tinatago na sobrang bigat na. Hindi naman yan artista para umiyak ng walang dahilan. Hindi magsasayang ng luha yan para kaawaan mo lang. Umiiyak yang mga yan dahil may mali, may gusto silang itama.
Kapag umiyak ang babae, gawin mo agad ang lahat ng makakaya mo mapatahan lang siya. Kung sa tingin mo naman lilipas ang galit mo dahil sa maliit lang na ginawa niya patawarin mo na. Yakapin mo na lang siya. Dahil kapag ang babae umiyak, sobrang bigat ng nararamdaman nila.
Isa akong lalake, pero nararamdaman ko yun kapag nakakakita ako ng umiiyak na babae. Unang una sinasabi natin na hindi natin sila papabayaan, kaya hindi mo rin siya papabayaan na makikita na lang na umiiyak. Kapag umiyak sa harapan mo, punasan mo agad ang luha niya. Ayos na ang kamay mo o kaya naman panyo kung meron ka.
Halikan mo sa noo, hawakan mo ang kamay. Yakapin mo. Lambingin mo. Yun ang hanap niya sa oras na umiiyak siya sa harap mo. Normal lang naman ang pag-aaway. Ayos lang mag-away hanggat may natututunan kayo sa mga pinag-aawayan niyo.